Сэмэн уонна Софрон Даниловтар ааттарынан Духуобунас киинэ-Олоҥхо дьиэтэ
Горнай улууһун талба талааннаах, төрүт үгэһи сөргүтэр, саха фольклорунан утумнаахтык дьарыктанар дьоно Кэбээйигэ ыытыллыбыт XIX-c Олоҥхо ыһыаҕар 51 киһилээх улахан дэлэгээссийэнэн кыттыыны ыллылар.
От ыйын 3-5 күннэригэр Кэбээйи улууһун Кэбээйи нэһилиэгэр XIX-с Олоҥхо ыһыаҕа үрдүк таһымнаахтык ыытылынна. Горнай улууһуттан барыта саха фольклорун ырыатыгар — тойугар, төрүт үгэстэрин көрүҥнэригэр барыта 51 кыттыыны ылла. Икки күннээх тэрээһиннээх күрэхтэр түмүктэринэн улууспут дьоно үгүс элбэх ситиһиилэннилэр. Хаһааҥҥытааҕы да сыллардааҕар быйылгы сылга саҥа ааттар таҕыстылар, элбэх анал ааты ыллылар.
«Кырсалыы кылыһахтаан, куоҕастыы куйуһутан, тахсар күн сардаҥатын олоҥхолоох олоҕу туойдахпына…» олоҥхону толорооччулар күрэстэригэр, ыччат олоҥхоһуттарга Айтал Винокуров (Аһыма) I Үрдэл кыайыылааҕынан буолла уонна 50 000 солк. наҕараадаланна, маны тэҥэ төрүт аҕыйах ахсааннаах норуоттарын эпостарын (нимкан) толорон анал ааты ылла.
