Ахсынньы ый 3 күнүгэр, Олоҥхо дьиэтигэр, Саха омук героическай эпоһа Олоҥхо, Юнеско билиниитин ылбыта 20 сылыгар, СӨ Олоҥхо декадатын чэрчитинэн, биир дойдулаахпыт С.Г. Алексеев — Уус уола Уустарабыс төрөөбүтэ 125 сылыгар анаммыт «Оллоонноон олорон олоҥхолуох…» диэн оҕолорго биирдиилээн уонна бөлөҕүнэн аһаҕас, олоҥхо толоруутугар бэрт сэргэх күрэх буолан ааста

Ахсынньы ый 3 күнүгэр, Олоҥхо дьиэтигэр, Саха омук героическай эпоһа Олоҥхо, Юнеско билиниитин ылбыта 20 сылыгар, СӨ Олоҥхо декадатын чэрчитинэн, биир дойдулаахпыт С.Г. Алексеев — Уус уола Уустарабыс төрөөбүтэ 125 сылыгар анаммыт «Оллоонноон олорон олоҥхолуох…» диэн оҕолорго биирдиилээн уонна бөлөҕүнэн аһаҕас, олоҥхо толоруутугар бэрт сэргэх күрэх буолан ааста. Күрэхпитигэр Нам улууһуттан, Горнай улууһун Бэрдьигэстээх, Солоҕон, Кировскай нэһилиэктэриттэн уопсайа 46 оҕо кыттыыны ылла. Күрэхпит дьүүллүүр сүбэтигэр үлэлээтилэр: СӨ култууратын туйгуна, Духуобунас киинин специалиһа — П.Ф. Федоров дьүүллүүр сүбэ бэрэссэдээтэлинэн, ССРС култууратын туйгуна, култуура бэтэрээнэ — Е.А. Семенова, Духуобунас киинин специалиһа — Л. Е. Тарасова буолан үлэлээтилэр. Биирдиилээн олоҥхону ааҕыыга кыттааччылар үс бөлөххө арахсан кытыннылар. Ол курдук, алын сүһүөх бөлөҕөр 6 оҕо, орто сүһүөх бөлөҕөр 2, улахан оҕолорго — 1 кыттааччы кыттыыны ылла. Онтон бөлөҕүнэн олоҥхону толорууга — уһуйаан бөлөҕөр — 3 бөлөх, орто саастаах оҕолорго — 3 бөлөх көхтөөх кыттыыны ыллылар. Түмүккэ кыайыылаахтар дьүүллүүр сүбэ быһаарыытынан маннык буоллулар: «Кэрэхсэбиллээх кэпсээччи» анал аат- Аргунова Намина (Бэрдьигэстээх) сал. Баишева Л. П., «Кэскиллээх этээччи» анал аат- Мордовская Айыылина Куо (Бэрдьигэстээх) сал. Алексеева Д.Е., «Төрүт үгэһи утумнааччы» -Федя Терентьев (Кировскай) сал. Н. Н. Румянцева, А. Н. Винокуров., «Дорҕоонноох тойуктаах» анал аат- Николина Олесова(Бэрдьигэстээх) сал. Алексеева Д. Е., «Чаҕылхай толорооччу» Юра Мордовской (Нам) сал. Куличкина-Цыпандина В.П.
Биирдиилээн кыттааччыларга 8 сааһыттан 11 сааһыгар диэри  — 1 үрдэл — Яковлева Милана (Бэрдьигэстээх) сал. Алексеева Д. Е., 2 үрдэл — Рожин Эрсан (Бэрдьигэстээх) сал. Алексеева Д.Е., 3 үрдэл — Сунтарова Анжелика (Нам) сал. Куличкина — Цыпандина В.П. 
12 сааһыттан 14 сааһыгар диэри — 1 үрдэл — Мордовской Юра (Нам) сал. Куличкина — Цыпандина В.П., 2 үрдэл — Мордовская Айыылина Куо (Бэрдьигэстээх) сал. Алексеева Д. Е. 
15 сааһыттан 18 сааһыгар диэри — 1 үрдэл — Шадрина Эвилья (Нам) сал. Куличкина — Цыпандина В.П.
Бөлөҕүнэн кыттааччыларга — уһуйаан оҕолоругар — 1 үрдэл — «Кэскил» «Олоҥхо кэскилэ» уһуйаан иитиллээччилэрэ (Бэрдьигэстээх) сал. М.Е. Андреева, Ф.Е. Степанова. 
2 үрдэл — «Үрүйэчээн» Солоҕон нэһилиэгин «Ромашка» уһуйаан иитиллээччилэрэ, сал. М.П. Латышева, В.П. Тимофеева.
3 үрдэл — «Кырачаан Ымыылар» уһуйаан иитиллээччилэрэ (Бэрдьигэстээх) сал. Оленова А.А.
Орто бөлөххө: 2 үрдэл — «Күөрэгэй» Кировскайдааҕы сынньалаҥ киинин иһинэн үлэлиир фольклорнай бөлөх кыттааччылара, сал. Н.Н. Румянцева, А.Н. Винокуров.
3 үрдэл — А.Н. Осипов аатынан Бэрдьигэстээх орто оскуолатын 2 а кылааһын үөрэнээччилэрэ, сал. Николаева Н.М.
Муҥутуур Кылаан Чыпчаал кыайыылахтарынан уонна 20000 тыһ. солк. ДНС маҕаһыыныттан сертификатынан наҕараадаланнылар эдьиийдии-балыстыы «Чуорааннар» бөлөҕө, сал. Т.М. Павлова.
Бары кыайыылаахтарга диплом, өйдөбүнньүк плакетка уонна сыаналаах бириистэри туттардылар.
Хас биирдии салайааччыга бырааттыы Даниловтар ааттарынан Духуобунас киинин-Олоҥхо дьиэтин аатыттан махтал сурук туттардыбыт. Биһиги төрүт үгэстэрбитин ытыктыыр, сайыннарар буоламмыт омук быһыытынан кэскиллээхпит, күүстээхпит диэн түмүк тылынан тэрээһиммитин түмүктээтибит. Бары кыттааччыларга, кыайыылаахтарга инникитин даҕаны элбэх ситиһиини баҕарабыт!